Informasjon til innbyggarane
Helsepersonell i både dag- og døgnbaserte tenester i Surnadal kommune har det siste året jobba hardt for å førebu ein sikker og god overgang til Helseplattformen, tilpassa våre tenester.
All nødvendig helseinformasjon frå fleire ulike system skal følge kvar enkelt brukar og pasient over i ny felles journalløysing ved overgangen 9. november kl. 03:00.
Den store flyttejobben pågår no og legg beslag på store personellressursar i helse- og omsorgstenestene våre.
Fram mot overgansgdatoen kan difor enkelte tenestetilbod og aktivitetar bli reduserte, endra eller avlyste på kort varsel. Dette gjeld særleg ved sjukdom.
Tenestemottakarar og pårørande skal vere trygge på at nødvendige helsetenester blir gitt, men tilbod som ikkje er strengt nødvendige kan frå dag til dag måtte vike av kapasitetsomsyn.
Vi veit at fleire kan bli skuffa, men ber om forståing for dette i ein avgrensa periode med stort press på helse- og omsorgstenestene.
Etter 9. november bur 75% av innbyggarane i Midt-Norge i ein kommune som brukar Helseplattformen. Det er innført ei rekkje nødvendige forbetringar i løysinga og innføringsløpet sidan Trondheim kommune og St Olavs gikk på for fleire år sidan.
Vi har ein intens innkøyringsfase foran oss, men ser fram til å ta i bruk Helseplattformen til beste for innbyggarane våre.
Helsing Helse- og omsorgstenestene i Surnadal kommune