I Friluftslivets veke er alle alle i heile Norge oppfordra til å bli med ut i naturen. Over heile landet kan du delta på spennande friluftslivsaktivitetar i regi av lokale lag og foreningar, organisasjonar, friluftsråd og kommunen der du bur.
Natt i naturen - natt til søndag 1. sept
Veka startar med «Natt i naturen» natta mellom laurdag 31. aug. og søndag 1. sept.
Oda Halle/Visitnorthwest.no
Ta med deg slekt og venner på overnatting ute denne natta! Bruk hengekøye, trampoline, gapahuk, eit enkelt liggeunderlag på bakken eller det som måtte passe deg best! Å telte i hagen er godt som gull!
Her er nokre plassar i Surnadal kommune som kan passe for den som gjerne kan tenke seg å overnatte ute, men helst vil ha tilgang til toalett. Ta med mat, godt med klede og gjerne eige dopapir. Her er det toalett, gapahuk eller liknande:
- Todalen: Tjønnmyran
- Bøfjorden: Mjøksanden
- Nedre Surnadal: Svartvassområdet, Kvenndalen (Kvennbu) og Kalkstranda (kun toalett)
- Kvanne/Stangvik: Søysetøran, Svissholmen og Lysløypa oppi Vang
- Åsskard: Grendeplassen
Lesestund for vaksne 4. sept
Tid og stad: Kvilebua på Kavlvegen kultursti, onsdag 4. september kl. 19.30
Anne Lise With Vullum
Vi fyrer opp på grua og byr på høgtlesing av tekstar som naturleg høyrer heime på denne unike plassen. Vi har med oss biblioteket på laget; sidan det og er «Nasjonale bibliotekdagar» denne veka, passa det godt med ein kombinasjon av friluftsliv og litteratur.
I tillegg held Nordmørsmusea ope på Åsen bygdemuseum frå kl. 18.00 til arrangementet på Kavlvegen startar. Opne utstillingar og anledning til å kjøpe kaffe og bakels.
Enkel servering.
Arr.: Surnadal bibliotek og Stikk UT! i Surnadal kommune
Fellestur til Liabekken 3. sept
Tysdag 3. sept. kl. 18:00
Oppmøte på Sandholten, Sande.
Arr.: Øvre Surnadal IL